كسر
الخاطر
يعور
يوووه
ما أصعبه
اذا كان منك
يالي تقول همي
هو
همك
ياااه
لو تدري شو فيني تغير
و كيف الكون فاضي
في غيابك
كأن ما
به أحد
إلا حضرة جنابك
وكيف أنا أضيع وتحير
كل الدروب تاخذني
لك
كل الاسئلة عنك أنت
وكل الوجوه هي أنت
يوووه
ما اكثرك في
حضورك
وما أكبرك في غيابك
كيف تقدر تخفي
الكون في طية ثيابك
و تمسح
ذكريات الكل
و تخلي ذكرياتك
كيف تخليني أظمأ
و أرتوي من سرابك
ليه
بس أنا الي أسأل
ليه أنا الي ما تغير
ليه أحن
واشكي
وابكي
و
أتوجع
واتحسر
وانت ما خطر في بالك
شو يعني لي غيابك,,,؟
ياااه
كل
هذي قسوة
كيف الي يحب يقسى
والي وعد كيف ينسى
هقيت انك بتسأل
و ان
الشوق
الي حكيت لي عنه
عمره مايذبل
قلت لي مرة
و انا من حكيك
أخجل
اني انا شمسك
ودفء الكون أحساسي
و لو غبت عنك
يلفك ظلام
و توقف
الوحشة على بابك
قلت لك
انت اعز ناسي
ولا في الكون من حاز غلاتك
يا ترى
بعدي شمسك
مثل أنت
بعدك أعز ناسي
أعاتب نفسي
واقول يمكن أنت ما
تدري
ان كسر الخواطر
يعور
ولا كيف تكسر بخاطري
ولا تسأل
ولا
تدور
يمكن ناسي….؟؟
أكيد ناسي
غفت عيونك
و بعدك ما فقت
الليل مطول يحرسك
و أنا وحدي أنخل الهم
و اعجن دقيق يأسي
ليته يصدق
احساسي
يا اغلى ناسي
همس الخاطر 