جالس بحالي ولحــــــالي هزني الشوق وذكرتك
…………………يعني معقولة يا غالي كــــــــل هذاا وما وحشتك
غيبتك طالت ليالي يا عسى خـــــــــــير وعذرتك
………………..خوفي وكل انشـــــــغالي دون مــا أقصد جرحتك
يعلم الله وقلبي شاهــــــــــد إن عيني من أملها
………………..بس تشوفك عندي قاعد روحي ترجع في محلها
تدري يوم إحنا انتبـــــــــاعد كل هالدنيا و أهلها
………………..يفقدون إنسان واحد وافقـــــــــــد آنا الدنيا كلها
كان قلبك يا فتوني طاوعــك تنســــــــــى حبيبك
………………..آنا ببقى مع شـــــجوني وانته روح الله حسيبك
بس تأكد يا عــــــــيوني لو غدى غيري نصيب
…………………انته وياي وبدوني مـــــــــا أبي مكروه يصيبك
الكلمات للشاعر المميز أنور المشيري
اللوحة بفرشاة سلوة الخاطر
همس الخاطر 